--Ads--
Binallaagan ti state weather bureau dagiti umili idiay Dagupan City gapu iti agtultuloy a nabara a heat index iti uneg ti sumagmamano nga aldaw.
Maibasar iti patta-patta ti ahensiya, posible nga agtultuloy pay agingga inton bigat, Marso 14, ti marikna a pudot a dumanon iti 45°C iti entero a paset ti Dagupan City.
Kaipapananna daytoy a tallo a nagsasaruno nga aldaw ti marikna a 45°C heat index iti nasao a siudad a nangrugi paylaeng idi kalman, Marso 12 ken ita nga aldaw.
Sipud idi Marso 9, nasurok 40°C ti narikna a pudot idiay Dagupan City.
Gapu iti daytoy, agtultuloy ti pinalagipan ti Health Department dagiti umili nga agtulnog kadagiti health measure tapno maliklikan ti peggad a mabalin nga itunda ti napudot a panawen.
