Inkari ni National Bureau of Investigation Director Melvin Matibag a dagus nga arestuen ti NBI ni Sen. Ronald “Bato” Dela Rosa.
Daytoy ket kalpasan nga inwaragawag ni Justice Secretary Fredderick Vida a nabilin ti NBI ken Philippine National Police nga iserbida ti arrest warrant kontra kenni Sen. Dela Rosa.
Sigun kenni NBI Dir. Matibag, tungpalenda ti pammilin a naibasar iti pagannurutan ken babaen iti propesional a wagas.
Inyunay-unay ti opisial nga arestarenda ni Sen. dela Rosa, kayatna man wenno saan agisipudta kasapulan nga agtumpalda iti linteg nga awanan ti pabor wenno panagbuteng.
Maipalagip nga inserbi ti ICC ti warrant of arrest kontra kenni dela Rosa gapu iti maatap a pakainaiganna iti kaso a crimes against humanity kontra kenni sigud a President Rodrigo Duterte.
Mainaig daytoy iti maatap a pammapatay iti sidong war on drugs ni sigud a President Duterte a naaramid idi mayor paylaeng ti Davao city ken kabayatan ti kina-presidentena iti pagilian a Pilipinas.
