Daily schedule iti iseserrek dagiti umili iti Baguio City Public Market, epektibo ita nga aldaw

BAGUIO CITY – Epektibo ita nga aldaw ti panakaisubli ti daily schedule ti iseserrek dagiti umili iti Baguio City Public Market.

Nupay kasta, maysa laeng nga indibdual tunggal household ti mapalubusan a sumrek iti merkado publiko ken kasapulan nga ipresentarda ti kaudian a color-coded market pass kadagiti entry points.

Para met kadagiti senior citizens nga agturong iti merkado publiko, kasapulan nga adda ti kadwada a mang-awit kadagiti gatangenda ken kasapulan metlaeng ti panangipakitada ti market pass.

Resulta daytoy ti agtultuloy a panagtataripnong dagiti grocery wenno retail stores iti uneg ti Baguio City Public Market.