Inaklon ni Sablan Mayor Alfredo Dacumos a dakkel ti nagbalin nga epekto ti naglabas a bagyo ken habagat iti produksion dagiti prutas ken dadduma pay nga agricultural products iti nasao a munisipyo.
Sigun kenkuana, bimmassit ti produksion dagitoy iti prutas ken dadduma pay a natnateng gapu iti naglabas a dakes a sadaaden ti panawen.
Inlawlawagna nga dumanon iti mapatta-patta a P12-M ti pukaw dagiti mannalon gapu iti kalamidad.
Innayon ni Mayor Dacumos a naipaayan metten iti kaslenan a tulong dagiti apektado a mannalon.
Kinunana a nakaapektar met daytoy iti agdama a selebrasyon ti fruit festival ti Sablan.
Nupay kasta, kinunana a saan a daytoy ti lapped iti panakarambak ti maika-11 a Sablan Fruit Festival a nangrugi idi August 19 ken agleppas inton September 4 iti agdama a tawen.
Panggep ti nasao a selebrasyon a maital-o ti agrikultura ken turismo iti nasao a munisipyo.
Maipalagip nga nalatak ti Sablan kas kangrunaan a prodyuser ti nagduduma a prutas kas iti pinya, saba, abokado, ken dadduma pay.//Bombo Alfred Pudsoc
