--Ads--
Dumanonen iti nasurok P2.93 billion ti danyos iti sektor ti agrikultura dagiti nagsasaruno a bagyo a dimmalapos iti pagilian.
Dakkel a porsiento a naapektaran dagiti mula a pagay.
Daytoy ket sigun iti report iti Department of Agriculture-Disaster Risk Reduction and Management Operations Center nu sadino, ti nasao a danyos ket intunda dagiti bagyo a Mirasol, Nando, ken Opong, kasta metten ti epekto ti Habagat.
Maibasar iti datos manipod iti Department of Agriculture (DA), 102,000 a mannalon ti naapektaran bayat nga 84,267 nga ektarya iti pagmulaan ti saklawen ti balor ti danyos.
Sigun iti nasao nga ahensya, posible pay a ngumato daytoy gapu ta manarimaan paylaeng ti monitoring ken validation iti danyos nga intuda ti kaudian a bagyo a ni Paolo.
