Ngimmato iti P3.76 billion ti nairekord ti Department of Agriculture a danyos iti sektor ti agrikultura gapu iti panagdalapos ti bagyo a Kristine.
Kangrunaan kadagiti naapektaran ti mula a pagay nu sadino agarup 169,830 metric tons ti napukaw dagiti mannalon.
Simmaruno a naapektaran dagiti mula a mais nu sadino 2,501 metric tons ti nadadael, cassava a 217 metric tons ken high value crops a 17,874 metric tons.
Maibasar pay iti datus ti agriculture department, 3,438 a taraken nga ayup ti pimmusay bayat nga 87,496 a mannalon dagiti naapektaran.
Naibasar ti report kadagiti assessments dagiti Regional Field Offices ti Department of Agriculture manipud Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, Western ken Eastern Visayas, SOCCSKSARGEN, ken Caraga Region.
Sigun met iti nasao nga ahensiya, adda ti P541.02 million a gatad dagiti agricultural inputs a nakasaganan a maiwaras kadagiti naapektaran a mannalon.
