--Ads--
Impakaammo ti Department of Agriculture (DA) a dumanonen iti P80.80 million ti danyos ti agrikultura gapu paylaeng iti Severe tropical storm Kristine.
Maibasar iti datos, kaadduan dagiti nadadael iti daytoy ket dagiti mula a pagay, mais, high value crops ken livestock.
Kaadduan a lugar a naapektaran iti daytoy ket manipud kadagiti Regional Field Offices (RFOs) iti Cordillera Administrative Region (CAR), MIMAROPA, Bicol Region ken Western Visayas.
Gapu iti dayta, agarup 2,864 a mannalon ti naapektaran iti daytoy.
Iti baet dayta, impasigurado met dagiti maseknan nga opisina a mangipaay iti kaskenan a tulong para paylaeng kadagiti naapektaran iti daytoy.
