BAGUIO CITY – Dumanon iti kagudwa a milyon a pisos ti danyos ti nauram a balay sadiay Barangay Tuding Poper, Itogon, Benguet idi kalman.
Nabigbig dagiti akinkukua iti nasao a balay a da William Gumpic ken ni Lionesa Gumpic.
Maibasar iti report, alas otso ti agsapa a pimmanaw ni Mrs. Gumpic tapnu makilabada ngem naklaat laengen daytoy idi naipadamag kenkuana a maur-uram ti balay dagitoy iti agarup alas onse trenta ti agsapa.
Dagus met a nagresponde dagiti kameng ti Bureau of Fire Protection ken ti Itogon PNP.
Naamuan a naaamid ti nasao a balay babaen iti concrete materials ken kayo isut gapuna a nalaka a nauram.
Iti agdama ket manarimaan pay laeng ti imbestigasyon ti BFP- Itogon iti kangrunaan a rason ken nagtaudan ti nasao nga uram.
———– Filipino translation ———–
BAGUIO CITY – Aabot sa P500,000 ang danyos ng nasunog na bahay sa Barangay Tuding Poper, Itogon, Benguet kahapon.
Ang nasabing bahay ay pagmamay-ari ng mag-asawa na sila William Gumpic at Lionesa Gumpic.
Batay sa report, alas otso ng umaga nang umalis si Mrs. Gumpic upang maglabada nang matanggap niya ang mensahe na nasusunog ang kanilang bahay.
Agad namang rumesponde ang Bureau of Fire Protection at ang Itogon Municipal Police Station sa nasabing lugar.
Dito nalaman na gawa sa concrete materials at kahoy ang nasabing bahay na dahilan ng mabilis na pagkasunog nito.
Sa ngayon ay iniimbestigahan pa ng BFP- Itogon ang pangunahing rason sa nasabing sunog.
