Pinaneknekan manen ti Department of Agrarian Reform – Cordillera Administrative Region (DAR-CAR), ti saan nga agkupas a commitment dagitoy iti agrarian reform nu sadino nagun-odda ti no. 1 spot iti intero a pagilian para iti validation ken redocumentation iti Support to Parcelization of Lands for Individual Titling (Project SPLIT).
Daytoy ket babaen iti panangidaulo ni Regional Director Samuel S. Solomero.
Ti nasao nga achievement dagitoy ket naipakaammo kabayatan ti kaudian a National SPLIT Conference, a nangmarka iti naisangsangayan a milestone ti panagregget ti DAR-CAR a mangpapartak iti land parcelization para kadagiti Agrarian Reform Beneficiaries (ARBs).
Malaksid iti dayta, ranked no. 2 met laeng ti DAR-CAR iti Budget Utilization Rate (BUR) nationwide, maysa a pamaneknek iti kina-epektibo dagitoy a mangpasayaat iti agrarian reform.
Iti provincial level, ti Department of Agrarian Reform Provincial Office Benguet ket no. 2 bayat a ti Department of Agrarian Reform Provincial Office Apayao ket no. 3.
Kabayatanna, nabigbig met laeng ti DAR-CAR kas maysa kadagiti lima a rehiyon a nakagun-od iti 100% a resolution rate kadagiti Agrarian Law Implementation cases.
Dagiti accomplishments ti nasao nga ahensya ket mangipakpakita iti dedikasyon ken panagregget dagiti empleyado no sadino napagtaltalinaed dagitoy ti nasayaat a serbisyo.
Agtaltalinaed pay dagitoy a nakalinya iti missionda a mangitandudo kadagiti mannalon.
