BENGUET – Manarimaan ti pannakaurnong dagiti datos seknan iti crop damages nga ituntunda ti krisis iti probinsya ti Benguet.
Sigun kenni Delinia Juan, agriculturist ti Benguet Provincial, marikrikna ita ti epekto ti krisis iti sektor ti agrikultura.
Daytoy ket gapu iti panagbaba ti presyo ti nateng ken dadduma pay.
Innayon daytoy nga adda dagiti gumatgatang ngem bimmaba ti buying capacity dagitoy.
Malaksid iti dayta, ngimnato ti presyo dagiti fertilizers wenno abono.
Gapu iti dayta, nabalakadan dagiti nadumduma nga agriculture officers tapno agsibmitirda iti report dagiti mannalon nga apektado iti krisis.
Sigun pay kenni Juan, posible nga adda ti fuel subsidy a maipaay kadagiti sumagmamano a mannalon, partikular dagiti addaan iti farm machineries.
Nupay kasta, depende iti pagalagadan ti Department of Agriculture (DA) ti pannakaipaay daytoy.//Bombo Noveh Organo
