Impeksa ti supreme leader ti Iran a ni Ayatollah Ali Khamenei idi kalman a saan nga umdas ti kaso a maipaay kontra ken ni Israeli Prime Minister Benjamin Netanyahu gapu iti gubat idiay Gaza ken kinunana a maikari isuna iti “death sentence”.
Iti umuna a panagsaona sipud idi nangipaulog ti International Criminal Court (ICC) iti arrest warrant para ken ni Netanyahu idi napan a lawas, kinuna ni Khamenei iti panagtaripnong ti Tehran a “saan nga umdas”.
Ti pagilian nga Iran ket mangsupsuporta iti tignay dagiti armado a grupo iti rehion pakairamana ti militante a grupo ti Palestinian a Hamas, a rimmaut idi Oktubre a siete idi napalabas a tawen a nangitunda ti gubat.
Sumagmamano met kadagiti hues ti nangibaga nga adda dagiti “nainkalintegan a rason” ni Netanyahu ken ti sigud a defence minister a ni Yoav Gallant .
Kabayatanna, sigun iti International Criminal Court, saanda a mabalin nga ibilin ti kiddaw ti dadaulo ti Iran a “death sentence” kontra kenni Netanyahu.