Ngimmato ti naideklara a net worth ni Vice President Sara Duterte manipud P7.25 idi tawen 2007 ket dimmanon iti P98.6 million iti tawen 2025, maibasar iti Statement of Assets, Liabilities, and Net Worth (SALN) na a naipresentar iti impeachment trial kontra kenkuana sigun iti testigo a ni Atty. Karen Batu.
Bayat nga ad-adalaen iti Senate impeachment court dagiti alegasyon iti unexplained wealth ken inaccurate SALN declaration na, naduktalan a ngimmato iti nasurok P91 million ti net worth na manipud 2007 agingga 2025.
Impresenta iti prosecution ti tinawen a panagngato iti delared net worth ni VP Sara manipud nasurok P7million idi tawen 2007 idi daytoy ti nagtugaw kas vice mayor ti Davao City.
Nanayonan pay daytoy idi 2018 no sadino dinmanon daytoy iti nasurok P49 million, nasurok P55 million idi 2020, ken nasurok P65 million idi 2021.
Nagtultuloy pay a ngimmato daytoy idi nagbalin a bise president ni VP Sara no sadino dinmanon daytoy iti P71 million idi 2022, nasurok P77 million idi 2023, ken nasurok P88 million idi 2024.
Para iti 2025, iti pakabuklan a net worth ni VP Sara ken ti asawana a ni Atty. Manases Carpio ket dumanon iti nasurok P98 million no sadino ti assets-da ken P122.8 million bayat a ti liabilities da ket P24.14 million.
Kiniddaw met iti prosecution nga i-cross-check iti declared wealth ni VP Duterte kontra iti bank, corporate, tax, ken property records kas paset iti kaso iti mapapati nga unexplain wealth iti opisyal.// Bombo Khey Reparip