Binalakadan ti Malakanyang ni sigud a presidential spokesperson Harry Roque a nasaysayaat nu idepensarna pay ti bagina sakbay nga idepensarna ti dadduma a tao.
Daytoy ket kalpasan nga inwaragawag ni Roque iti social media a nangisumiter daytoy iti kaskenan a dokumento iti International Criminal Court tapno agbalin kas maysa kadagiti legal counsel ni sigud a President Rodrigo Duterte.
Malaksid iti daytoy, inwaragawag pay ni Roque nga agipila daytoy iti political asylum idiay Netherlands.
Maipalagip a na-cite in contempt ni Roque babaen iti quad committee idi Setyembre idi napan a tawen kalpasan a nagkedked nga agsubmitar iti kaskenan a dokumento maipapan iti mapapati a pakainaiganna iti iligal a Philippine Offshore and Gaming Operators.
Sipud idi ket saanen a mabirukan ni Roque iti pagilian.
Nupay kasta, idi laeng Marso 14 iti agdama a tawen ket killaat a nagparang ni Roque kadwana ni Vice President Sara Duterte ken Senator Robin Padilla iti The Hague, Netherlands sakbay ti pre-trial ni sigud a President Duterte iti International Criminal Court.
