Imbutaktak ni Lead Prosecutor Gerville Luistro nga agserbi kas witness ti defense lawyer a ni Atty. Michael Poa iti impeachment trial ni VP Sara Duterte inton sumaruno a lawas.
Nagserbi ni Poa kas spokersperson ti Department of Education ken Undersecretary iti nasao nga ahensya kabayatan ti panagtugaw ni VP Sara Duterte kas DepEd Secretary.
Manamnama nga agtestigo ti nasao nga abogado seknan iti mapapati a P112.5 milyon a confidential funds a binusbos ti nasao nga ahensya.
Impetteng met ni Presiding Officer Chiz Escudero a gapu ta ada metten iti uneg ti korte ni Poa ken patienna a’more than willing’ ti nasao nga abogado nga agtestify iti sanguanan iti senate impeachment court.
Impetteng metlaeng ni Senator Escudero a saanen a kasapulan pay a mangipaulog ti nagsina a subpoena kenni Atty. Poa.
Kabayatanna, iti maysa a prief briefing kalpasan iti hearing, inlawlawag ni Poa nga awan iti isyu kenkuana ti panagtestify na gapu ta idi paylaeng pre-trial ket ammu daytoyen a dumanon ti panawen a sumango daytoy iti impeachment court kas witness.
Innayon na metlaeng nga nadakamatnan dagiti kasapulan a madakamat kabayatan iti isasangona iti house committee on good government isu’t gapunna a namnamaenna a maulit laeng dagiti damag kenkuana. //kcs//
BUYAEN ti paset ti pannarita ni Defense Counsel Atty. Michael Poa kabayatan iti maysa a press briefing ita nga aldaw.:
