Kinuwestunaran ni Defense Secretary Gilberto Teodoro Jr. ti statement iti China kontra iti napadakkel a Balikatan exercises iti Pilipinas ken Estados Unidos, ken kinunada a “sinister” wenno adda ti saan a nasayaat a panggep daytoy.
Iti maysa a report, impaganetget ni Teodoro nga awan ti talek ti Pilipinas iti China gapu iti kinakurang daytoy iti transparency, nangruna iti tengnga dagiti isyu iti rehion.
Nangrugin ti tinnawen a Balikatan exercises a paspasetan iti rinibribu a tropa iti Pilipino ken Amerikano, kadua iti umuna a gundaway ti dakkel a puersa manipod idiay Japan.
Tampok ditoy ti live-fire drills iti amianan a paset iti pagilian nga asideg iti Taiwan Strait ken kadagiti lugar a mapaspasamak iti tension iti West Philippine Sea.
Immunan a binabalaw iti China ti nasao a panagsanay ken kinunana a “playing with fire” ti mapaspasamak a mabalin a mangitunda iti tension iti Asia-Pacific region.
Nupay kasta, impaganetget ni Teodoro a ti Balikatan ket paset laeng iti “collective deterrence” wenno panangipakita iti panagsagan iti depensa, ken nu negatibo ti reaksion iti China, mabalin a senyales daytoy a maap-apektaranda iti plano dagitoy.
Innayon pay iti opisial a ti statement iti China ket mangpatpatibker laeng iti kapanunutan seknan iti isyu iti ng freedom of navigation.
