Kinumpirmar ni Senador Ronald “Bato” dela Rosa nga isuna ti bimmaba a pasahero iti siudad ti Baguio sakbay nga nag-crash ti helicopter idiay Barangay San Miguel, Guimba, Nueva Ecija.
Sigun kenni dela Rosa, “very smooth” ti taray ti helicopter paturong iti Baguio City ken awan kano ti nariknana nga aniaman nga aberya.
Innayonna ti senador a nasayaat metlaeng kano ti panawen iti daydi nga aldaw.
Malaksid iti senador, nakalugan metlaeng iti helicopter ti dua a security-na.
Idi laeng Sabado, Pebrero a uno, natnag ti R44 light helicopter a rason iti ipupusay ni Julia Flori Monzon Po nga agtawen iti 25.
Maibasar iti imbestigasion, paawiden idiay Maynila ni Po idi natnag ti helicopter, alas singko ti malem.
Mapapati a dua nga oras a narigatan ni Po sakbay a timmayab ti chopper manipod idiay Binalonan, Pangasinan gapu iti isyu iti engine.
