Kinomendaran ni Baguio City Mayor Benjamin Magalong ti performance dagiti delagado ti siudad ti Baguio iti Batang Pinoy 2024 iti baet a nagun-odda ti maikadua a pwesto kalpasan iti manu a tawen a dagitoy ti makaiyaw-awid ti kampeonato ti Batang Pinoy.
Sigun kenni Mayor Magalong, dakkel ti nagbalin a kontribusyon ti eleven years old and below a kategorya iti pannakagun-od ti kampeonato ti bunggoy ti siudad ti Baguio iti napalpalabas a Batang Pinoy
Malaksid iti dayta, inakklonna nga adda ti parikut iti 12 years old and above category.
Innayunna pay a dakkel ti nagbalin nga epekto ti pannakaikkat ti eleven years old and below daytoy ket gapu paylaeng iti kinakurang ti oras.
Nupay kasta, kinunana met a bassit laeng ti nagbaetan ti bilang ti medalya iti nagbaetan ti Baguio city ken dagiti delagado ti Pasig a nagkampeon ita a tawen.
Kinunana a nagbalin a napintas ti performance dagiti delagado iti siudad ken impakitada ti kina-agresiboda tapno mangabak dagitoy.
Innayonna met a maaddaandanto iti debriefing tapno mapagsaritaan nu anya pay ti mabalinda a pasayaaten tapno maisubli iti siudad ti kampeonato ti Batang Pinoy inton sumaruno a tawen.