BAGUIO CITY – Agtultuloy ti pananggun-od dagiti atleta ti rehiyon Cordillera iti manarimaan a 2017 National Private Schools Athletic Association (PRISAA) Championships sadiay Iba, Zambales.
Iti panakiuman ti Bombo Radyo kenni PRISAA Cordillera President Engr. Alec Mapalo, kinunana nga iti agdama ket addan iti maikapat a puwesto ti rehiyon iti highschool division.
Kinunana nga iti kaudian a datos dagitoy ket addan ti 2 a silver ken 4 a bronze a medalya iti tay-ak ti taekwondo, 3 a bronze iti weightlifting, 1 a silver iti badminton girls ken 1 a bronze iti tennis boys.
Malaksid iti daytoy, agsagsaganan met ti bunggoy ti rehiyon iti tay-ak ti volleyball girls ken boys para iti final game.
Kinunana met nga iti agdama ket agkurkurang ti delegado ti rehiyon kalpasan a nagudwa dagiti atleta gapu iti panaggidan ti Palarong pambansa ken PRISAA.
