Saan a nagballigi ti delegasyon ti National Bureau of Investigation (NBI) a mangiyawid kenni sigud a Negros Oriental representative Arnolfo “Arnie” Teves Jr. iti panagsubli dagitoy iti pagilian.
Sigun kenni National Bureau of Investigation (NBI) Director Medardo de Lemos, manarimaan ti panagberipikar ti korte ti Timor-Leste iti kiddaw ti pagilian ken ti International Criminal Police Organization (Interpol) para iti kustodiya ni Teves.
Kinuna ni Lemos nga adda ti bukod a proseso ti Timor-Leste ken adda nga iresrespeto daytoy ti pagilian nangruna ket requesting party ti Pilipinas.
Maipalagip a naarestar ni Teves idi napalabas a lawas sadiay Timor-Leste kabayatan ti panag-ayayamna iti golf gapu iti ado a kaso a naipila kontra kenkuana nangruna iti pamapatay kenni Negros Oriental Governor Roel Degamo.
