Panggep ti House prosecution a pabassiten ti presentasyon ti ebidensya iti reklamo seknan iti maatap a saan nga umno a panagaramat ni Vice President Sara Duterte iti ₱612.5 million a confidential funds.
Daytoy ket tapno mapapartak ti impeachment trial.
Sigun iti pannakangiwat ti prosekusion a ni Benjamin “Jay” Tolosa Jr., mabalin a saan a maiparang ti dadduma a saksi no maulit-ulit laeng ti testimoniada.
Rugian ti Senado ti panagdengngeg ti nadakamat a reklamo inton Hulio 29, no sadino umuna nga agparang dagiti sigud a branch manager ti Land Bank a da Violeta Constantino ken Nenita Camposano, sarunuen ni House official Marivic Pareja.
Mangnamnama ti prosekusion a makompleto ti pannakaidatag dagiti ebidensia iti ab-ababa a panawen a saan a makompromiso ti kinatibker ti kaso a naipila kontra iti bise presidente.
