--Ads--
Democratic Vice President Kamala Harris, tinawaganna ken kinablaawanna ni Donald Trump iti pannangabakna kas US President, sigun iti “aide” daytoy
Impakaamo ti “aide” wenno katulongan ni Democratic Vice President Kamala Harris a timmawag ni Harris kenni Trump idi kalman tapno kablaawan ti pannangabak ti Republican candidate iti U.S. presidential election.
Dua nga “aide” ti nangkumpirmar a timmawag ni Harris kenni Trump.
Ni Harris a naituding nga agparang iti publiko kalpasan ti pannakaabakna ket posible a talantanenna ti kinapateg ti panangiyakar ti bileg ken pannakabalin kas Presidente kadagiti amin nga Amerikano, sigun iti maysa a kangatuan nga “aide” ni Harris.
