BAGUIO CITY– Maituloy ita nga aldaw ti demolisyon kadagiti babbalay a naipatakder iti masakapun ti Busol, Watershed sadiay Liteng, Pacdal, Baguio City.
Iti panakiuman ti bombo radyo baguio, kinuna ni Brgy. Capt. Abraham Lagasca a dumanon iti nasurok 11 a babbalay sadiay Liteng ti maapektaran iti demolisyon bayat a lima met sadiay Ambiong.
Inlawlawagna nga immunan a napagnunumuan iti naipatungpal a public consultation idi napan a tawen a maiparit ti renovation ken rehabilitasyon kadagiti babbalay sadiay tapnu masalwadan ti busol watershed ngem naduktalan ti lokal a gobyerno nga adda latta ti naglabsing.
(ni Barangay Captain Abraham Lagasca iti Pacdal, Baguio City)
Sigun met kenni Engineer Stephen Capuyan manipud iti City Buildings and Architecture Office, immunan a naipaayan iti notice of violation dagiti babbalay sadiay idi pay enero ken naipaayan dagitoy iti pawayway nga umakar.
ni City Buildings and Architecture Office Engineer Stephen Capuyan
Kabayatana, umap-apela met dagiti maseknan a pamilya a maipayaan dagitoy iti resettlement area wenno maitantan pailaeng ti demolisyon gapu iti mapaspasaran a pandemya.
Sigun kenni Bobot Big-asan, maysa a naapektaran iti demolisyon, adda ti nagkurangan ti lokal a gobyerno gaputtta awan ti maipaayda a relocation site ken saan a natungpal ti inkari ti lokal a gobyerno a re-investigation sakbay a maipatungpal ti demolisyon.
ni Bobot Big-asan, maysa a naapektaran iti demolisyon
Iti agdama ket temporaryo a nasuspender ti demolisyon iti balay daytoy gapu iti pakaseknan iti salun-at ti masakit ken nataengan nga inana kasta met ti agdadagsen a kabsat daytoy.
Nagkiddaw met dagitoy iti temporary restraining order wenno TRO tapno temporaryo a malapdan ti demolisyon gapu iti agdama a pandemya.
