--Ads--
Iggem itan ni Denice Zamboanga ti titulo kas ONE Women’s Atomweight World Champion kalpasan nga ingive-up ni Stamp Fairtex ti titulo daytoy.
Ti reigning champion a ni Fairtex ket nagbabawi iti unification bout dagitoy kenni Zamboanga kalpasan a nagsagrap daytoy iti injury.
Sigun iti Chairman ken CEO ti ONE Championship, maladingitanda iti panagwithdraw ni Fairtex nupay kasta, tarigagayda ti panagrekober daytoy a dagus.
Naituding a ti laban da Zamboanga ken Fairtex ket inton Agosto a uno iti agdama a tawen iti Ball Arena sadiay Denver, Colorado.
Gapu iti dayta, ti Denver event ket nareschedule inton Hunyo 26, 2026.
