Nagballaag ti Department of Health- Cordillera iti publiko a liklikan dagitoy nga agbaddek wenno magna kadagiti narugit a danum gapu iti agtultuloy a panagngato ti kaso ti leptospirosis.
Maibasar iti datos ti nasao nga opisina, nakailista dagitoy iti pito pulo ket tallo a kaso no sadino lima kadagitoy ti pimmusay.
Nakailista ti Apayao iti kaaduan a kaso a dumanon iti dua pulo ket pito; Benguet a sangapulo ket uppat; Baguio City a sangapulo ket dua; Kalinga a siyam; Mountain Province nga uppat ken dua manipud Abra.
Dagiti pimmusay met iti daytoy ket dua manipud Apayao ken saggaysa met manipud Baguio City, Benguet ken Ifugao.
Gapu iti daytoy, maiyunay-unay iti publiko a dagus nga agpacheck-up iti kanito a makapasarda iti aniaman a sintomas ken dadduma pay.
Nailawlawag pay a ti leptospirosis ket maysa a bacteria manipud kadagiti isbo dagiti bao ngem saan laeng a daytoy no diket kasta metlaeng dagiti nainfect nga ayup.
Kabayatanna, nagpalagip met ni Mayor Benjamin Magalong iti publiko nga agdalus iti aglawlaw tapno masigurado ti kinadalus kagiddan ti panagngato ti nasao a sakit.
