--Ads--
Nagballaag ti Department of Health iti publiko kontra kadagiti sakit a posible nga agsaknap, nangruna ita nga agbaliw ti paniempo.
Sigun kenni Albert Domingo, panakangiwat ken Assistant Secretary iti Department of Health, posible nga agsaknap dagiti sakit ita a panagtutudo, pakairamanan iti Water and food-borne diseases; Influenza-like illnesses; Leptospirosis; Food poisoning ken Dengue.
Malaksid iti dayta, nagpalagip ti nasao nga opisial a liklikan ti panaglangoy iti water floods, tapno maliklikan ti leptospirosis ken agusar kadagiti kawes nga atiddog ti manggasna, lotion ken dadduma pay a mangsalaknib iti bagbagi manipud iti dengue.
