--Ads--
Impanamnama ti Department of Labor and Employment (DOLE) ti naan-annay a trabaho, tulong, ken livelihood kadagiti Pilipino a posible a madisplace gapu iti epekto ti gubat idiay Middle East.
Sigun kenni Labor Undersecretary Carmela Torres, addan dagiti agururay a trabaho iti pagilian a Pilipinas kabayatan a tingtingitingenda nu anya pay dagiti mabalin a maipaay a tulong kadagiti Pilipino a maapektaran.
Innayon ni Torres a nakasagana metlaengen dagiti livelihood ken emergency employment para kadagiti Pilipino a kasapulanda laeng ti short term employment.
Impanamnamana nga umdas dagiti trabaho a mabalin nga ipaay ti gobyerno kadagiti posible a maapektaran a Pilipino. //Bombo KCS
