Agbalballaag ti Department of Migrant Workers (DMW) iti publiko kontra kadagiti illegal recuiters, traffickers, ken sindikato a mangidiaydiaya ti trabaho idiay Middle East.
Daytoy ket kalpasan a nakaawat ti ahensiya kadagiti reports iti maatap a recruitment activities online, pakairamanan ti peke a job offers no sadino biktima dagiti Pilipino nga agsarsarak iti overseas employment idiay Middle East.
Sigun iti nasao nga ehensiya, makipagtransaksyon laeng dagiti aspiring overseas Filipino workers (OFWs) kadagiti lisensyado a recruitment agencies nga addaan iti approved job order.
Maberipikar dagiti amin nga ahensiya kadagit DMW channels.
Guyguyugoyen ti nasao nga ahensya ti publiko a sumurot kadagiti pagalagadan kas kadagiti sumaganad:
- iberipikar nu duly licensed dagiti recruitment agencies
- kumpirmarenda no naaprobaran ti job order
- liklikan a makipagtransaksyon kadagiti agents babaen iti social media
- saan a mangipaay ti placement fees no awan ti maipaayda a valid employment contract ken resibo
- saan a makipagtransaksyon kadagiti travel agencies, fixers, ken saan nga otorisado a representatives
Alalukoyen met ti gobyerno ti publiko nga ireportda a dagos dagiti ahensiya, indibidual, online pages, ken recruitment offers a mapagduaduaan iti Workers Protection Bureau ti nasao nga ahensiya idiay Mandaluyong City. //bombokaren.c.s