Nangipatungpalen ti Department of Public Works and Highways (DPWH), babaen iti Lower Kalinga District Engineering Office (LKDEO) iti safety measures iti road slip sections idiay Rizal, Kalinga tapno masigurado ti kinatalgdeg dagiti motorista a dumaldalyasat idiay.
Sinukatan metten ti nasao nga ahensiya dagiti sandbags kas road safety barriers iti umno a safety barriers.
Maipalagip nga inbilin ni DPWH Secretary ti pannakasukat dagitoy kabayatan iti panagbisitana idiay Kalinga idi Hunyo 1.
Kabayatanna, agtultuloy met ti embankment filling works idiay Babalag-Kinama-San Francisco road slip section ken MSA Boulevard (Kalinga-Cagayan Primary Road) kas panagsagana iti pannaka-install dagiti sheet piles kas paset iti slope protection measures.
Impanamnama ti nasao nga opisina ti komitment dagitoy iti panangresolba kadagit road sections iti nasao a lugar para kadagiti motorista a dumaldalyasat kadagiti nasao a kalkalsada. //bombokaren.c.sapirao
