Nagbalaag ti Department of Social Welfare and Development (DSWD) kontra iti panangisumitir kadagiti peke a dokumento tapno makaawat ti assistance manipu iti nasao nga ahensiya ken pati kadagiti dadduma pay nga opisina ti gobyerno.
Impetteng ti nasao nga ahensiya a mapatawan ti kaskenan a dusa dagiti mangar-aramid iti daytoy.
Ti nasao a balaag ken kalpasan iti napasamak iti maysa nga opisinada idiay Field Office (FO) National Capital Region (NCR) idiay Manila no sadino ket peke dagiti inpresentana a dokumento kabayatan iti panagkiddawna ti medical assistance iti sidung ti Assistance to Individuals in Crisis Situations (AICS) program.
Inpresentana daytoy ti maysa a disability (PWD) ID card. Kabayatan iti interview daytoy, saan nga ag-match dagiti dakdakamatenna ken ti dokumento nga insumitirna.
Gapu iti daytoy, naduktalan a peke ti dokumento nga insumitirna.
Sigun kenni DSWD spokesperson and Assistant Secretary Irene Dumlao nga innaklon ti nasao a lalaki a peke dagiti dokumento na.
Impetteng met ni Dumlao nga asinuman nga mangaramid iti kapada nga aktibidad ket makasuan iti criminal charges.
Alalukoyenna met ti publiko nga ireport da dagiti indibidwal nga agararamat ti peke a dokumento tapno makakiddaw ti assistance kadagiti nagduduma a government agencies. // Bombo Karen Calpoe Sapirao
