Binilin ti Department of Transportation babaen kenni Transportation Secretary Giovanni Lopez ti Civil Aviation Authority of the Philippines (CAAP) a kissayan dagitoy ti Passenger Service Charges (PSC) ken airport navigation charges iti amin nga airports iti pagilian.
Daytoy ket tapno saan unay a marigaan dagiti byaheros kadagiti mabayadan iti airports iti tenga ti panangngato ti presyo ti jet fuel gapu pay laeng iti tensyon a mapaspasaran idiay Middle East.
Sigun iti nasao nga ahensiya, ngimmato ti presyo ti jet fuel iti $188.2 kada bariles ti lana manipud iti $90.87 kada bariles idi napalabas a bulan.
Impanamnama met ti nasao nga ahensiya nga agtultuloy ti panangmonitorda iti sitwasyon ken agtaltalinaed ti pannakikoordinarda iti aviation industru tapno masigurado ti natalged ken affordable nga byahe para iti publiko.//Bombo Karen Sapirao
