CORDILLERA – Impakaamo ti Regional Director ti Department of Education Cordillera a nagduduma nga aktibidad ti ipatpatungpal dagiti pagadalan kas preparasyon dagitoy iti umadanin a panag-eskwela dagiti estudyante para iti sumaruno nga school year.
Sigun kenni Department of Education Cordillera Regional Director Estela Cariño, maysa kadagiti aktibidad nga ipatpatpatungpal dagitoy ket ti panangsanay kadagiti mannursuro para iti panangipatungpal dagitoy iti remediation program.
Naibinglay daytoy a nangrugi ti nasao nga aktibidad idi Mayo a trese ken agleppas inton maikatlo a lawas ti Hunyo.
Malaksid iti dayta, kinuna ni Regional Director Cariño a manarimaan met ti enrollment kadagiti nagduduma a pagadalan tapno maammoanda nu kasatnu a maiwaras wenno maideploy dagiti mannursuro kadagiti nagduduma a pagadalan.
Kabayatanna, maipatungpal ti Brigada Eskwela inton Hunyo a nuebe agingga a trese iti agdama a tawen.
