Inyunay-unay ti Department of Education (DepEd) a saanda nga iparit ti panaggusar iti toga.
Maibasar iti statement ti nasao nga ahensia, awan ti nailanad iti DepEd policy a maiparit ti agtoga.
Maibasar iti DepEd Memorandum No. 27, series of 2025 ken DepEd Order No. 009, series of 2023, dagiti nakalad a kita ti bado a mabalin a maaramat kadagiti graduation ken moving-up ceremonies ket casual, formal wear wenno school uniform no sadino awan ti nakalanad a maiparit ti Toga.
Impetteng ti nasao nga ahensia a mabalin a maaramat ti toga wenno sablay kas optional supplementary garment.
Ti statement ti Department of Education ket kasaruno ti nagviral a graduation ceremony idiay Antique no sadino imbilin ti principal kadagiti estudiante nga ikkatenda dagiti toga dagitoy.
Gapu iti nasao nga insidente, rinugian ti nasao a Departamento dagiti maitutop a proseso ti imbestigasion tapno maberipikar dagiti kinapudno ken dadduma pay.
Kabayatanna, impetteng ti DepEd kadagiti amin nga opisial ti pagadalan nga itandudo dagitoy ti highest standard ti propesionalismo, compassion ken respito iti pannakaipatungpal kadagiti polisia tapno masigurado ti proteksion, karbengan ken dignidad dagiti amin nga estudiante.
Kabayatanna, inkari ti nasao ng ahensia a maipaay ti psychological support kadagiti estudiante a naapektaran iti insidente.
