--Ads--
Nagballaag ni Department of Education Secretary Sonny Angara kadagiti indibidual a mananggundaway iti sistema ti edukasion para iti personal a pagimbagan.
Sigun kenkuana, saanna a patgan ti aniaman a kita ti korupsion iti uneg ti Department of Education karamanen ti maipadpadamag a panangilako ti posision.
Impaganetgetna a saan a patas nga adda dagiti kayatna a mangpaababa iti proseso a kasukat ti kuarta wenno impluensia, bayat a dagiti kaadduan ket nasayaat, patas ken ligal ti pamay-anda.
Inkarina a siasinoman ti aglabsing, saan isuna nga agduadua a mangipadamag kadagiti otoridad.
