Inanamongan ni defense spokersperson Atty. Michael Poa iti apela ni Representative Terry Ridon a rumbeng a patas ti panangipatungpal iti sub judice rule kasaruno iti ballaag ti impeachment court iti nasao a mammanday-linteg.
Kasaruno daytoy iti apela ni Ridon a rumbeng nga kitaen met ti senate impeachment court ti nagbalin nga statement ni VP Sara Duterte seknan iti impeachment proceedings pakairaman ti dinakamatna a maysa a “Sarsuela” ti mannarimaan a trial.
Nupay kasta, innayon ni Atty. Poa a sanguen ti depensa daytoy iti kanito nga agbalin daytoy nga issue iti uneg ti impeachment court pakairamanen dagiti dadduma pay nga statement ti bise presidente.
Sigun kenkuana, addan ti nakasagana a posisyonda seknan iti nasao nga issue ngem ilatagda laeng daytoy nu pormal a matalantan ti nasao nga issue iti impeachment court.
Impetteng ni Poa a paborda iti panagbalin a patas ken rumbeng laeng a mabagbagaan ti asinoman pakairamanan daytoy nu adda dagiti agbalin a saan a nasayaat nga statement ng iwaragawagna.