Naadaan manen iti tensyon iti nagbaetan ti depensa ken prosekusyon kabayatan iti cross examination iti testigo a ni Xylene Mae Del Campo manipud Commission on Audit (COA) idi kalman.
Dinelaw ni Prosecution counsel Atty. Lorna Kapunan ti panangpasardeng ni Defense Counsel Atty. Kristine Ferrer iti testigo bayat nga agsasao pay laeng daytoy.
Inreklamo met ti depensa iti saan a direkta a panangsungbat ti testigo kadagiti damag daytoy iti ‘yes or no’. Impetteng ti depensa nga ada met iti gundaway iti prosekusyon nga agdamag iti clarificatory question iti redirect examination dagitoy.
Naadaan iti basit a panagsinnungbat ti dua a benneg. Ditoy metten a nagsao ni Presiding Officer Francis Escudero no sadino impettengna nga ada iti “generational divide” iti nagbaetan dagiti dua a benneg, banag a nangpabaaw iti tensyon iti uneg iti impeachment court.//bombokaren.c.sapirao
