Inwaragawag ni House prosecution panel member Joel Chua a kinidaw ti depensa ni Vice President Sara Duterte iti senate impeachment court ti pannakasubpoena iti uppat a testigo kas agtuloy iti panangilatagda kadagiti ebidensya ken testigo da.
Nabigbig dagiti indibidual a nakiddaw a masubpoena a da Rowena G. Mendoza, General Manager III wenno asinoman nga opisyal manipud iti Center for International Expositions and Missions (CITEM); Dr. Ceferino S. Rodolfo manipud iti Department of Trade ; Pilar Marilyn M. Pagayunan, MBA, Director IV ti Center for Food Regulation and Research of the Food and Drug Administration; ken Atty. Rainer Dela Fuente manipud AML Consulting PH.
Nupay kasta, saanen a nangipaay ti mammanday-linteg iti kanayunan a detalye seknan iti nasao nga issue.
Immuna metten nga imbutaktak ti depensa a mappata-patta a walo agingga 10 ti ipresentada a testigo sakbay iti impeachment court para iti Article II iti Articles of Impeachment wenno ti mapagduaduaan a kinabaknang ti bise presidente.
