BAGUIO CITY- Ur-urayen ita dagiti taxi drivers iti Baguio City ti desisyon dagiti maseknan nga ahensiya ti gobyerno maipapan iti kiddaw dagitoy a pannakaipangato ti plete.
Iti interview ti Bombo Radyo Baguio, kinuna ni Romeo Vicente, maysa a taxi driver, mangnamnama daytoy iti tulong ti gobyerno kasaruno iti awan sardengna a panagngato ti presyo ti petrolyo.
Impeksana a mariknana ti rigat gapu iti nangina unay a presyo ti petrolyo nu sadino bassit laeng a koleksyon ti maiyaw-awidna para iti pamilyana.
Impettengna nga ado ti padana a drivers a nagsardeng nga agbiahe ken sinumrek iti kontruksyon.
Impaganetgetna a nasken a matuttukan nu kasano a maipababa ti presyo ti petrolyo gaputa saan laeng a transportation sektor ti marigrigatan iti agdama nu di ket amin a sektor.//Brigette Marcasi
