BAGUIO CITY -Inruwaren ti Sandiganbayan ti desisyon seknan iti kaso a sangsangwen ti maysa a Barangay Councilor ti Baguio City partikular iti falsification of public documents ken malversation of public funds.
Maipalagip a maibasar iti desisyon ti Baguio City regional trial court (RTC), guilty ni Barangay Councilor Romel Beltran iti 10 counts ti falsification of public documents ken 9 counts ti malversation of public funds.
Nupay kasta, immapela ni Beltran iti Sandigan bayan a nagresulta iti pannakakessay ti kaso daytoy
Gapu iti dayta, iti desisyon ti Sandiganbayan ken dumanon laeng iti four counts ti falsification of public documents ken four counts ti malversation of public funds ti sangwen daytoy a kaso a makaibaludanna iti dua agingga uppat a tawen tunggal bilang ti kaso.
Malaksid iti dayta, ti naksayan metlaeng ti monetary sanction ni Beltran manipod iti P3,820 iti malversation case ket bimmaba iti P1,470 bayat a sag-P1,000 laengen iti tunggal bilang ti falsification case a sangwen daytoy.
Maipalagip a nakasuan ni Beltran kalpasan nga inreklamo ti maysa kadagiti sigud a Barangay Councilor a nang-akusar ken Beltran iti panagaramidna iti palso nga detalye dagiti nagduduma a Summary of Collections and Deposits (SCD) nu sadino dagiti nakolektar a sobra kadagiti deposits ket inbulsa daytoy.
