Binabalaw ni Senator Imee Marcos ti nagbalin a desisyon ti International Criminal Court (ICC) kalpasan a kinumpirmar ti nasao a korte ti kaso a crimes against humanity kontra kenni sigud a president Rodrigo Duterte.
Iti impablaak ti senadora idi kalman, inyebkasna a mangitunda iti seryoso a panangkwestion iti ‘selectivity’ ken ‘fairness’ iti international justice.
Impeksa pay ti senador a kasla adda iti ‘perception’ ti international court kadagiti tututokanda a kaso dagiti babasit a pagilian kabayatan nga agtaltalinaed a natalged dagiti kaparehas kaso kadagiti daddakel a pagilian.
Nagbalaag pay daytoy nga anyaman nga addang a saan a dumalan iti constitutional safeguards ket mabalin a mangpakapoy iti talek ti publiko kadagiti institusyon ken iti linteg.//bombokaren.c.s
