Nailaylayon ti panakaibalod ni Office of the Vice President Chief of Staff Zuleika Lopez agingga sangapulo nga aldaw kasaruno ti panangisingasing ni ACT-Teachers Partylist Representative France Castro iti mosyon seknan iti daytoy bayat ti naangay a panagdengngeg iti House of Representatives idi laeng kalman.
Sigun iti komite, dagiti impakita a kagagalad ni Atty. Lopez idi nakipaset daytoy iti immuna a panagdenggeg ket nalawag nga evasive, uncooperative, ken untruthful rason a na-cite in contempt.
Malaksid iti dayta,sigun kadagiti sumagmamano a manmanday linteg,arigna maysa laeng a panagpammarang ti madakdakamat a naharass ni Atty. Lopez bayat ti panangiserbi iti transfer order kenkuana dagiti kameng iti House Sargeant-at-Arms iti tengga iti rabii idi November 22.
Maibasar iti video documentation nga imprisinta ti House Sargeant-at-Arms iti panagdengngeg idi kalman, kalmado a sinerrek dagiti sumagmamamno laeng a babbai a kameng daytoy ti kwarto a nakaibaludan ni Atty. Lopez nu sadino, naimatangan a boluntaryo nga impaima ti nasao a Chief of Staff ti cellphone daytoy.
Nadakamat metlaeng nga awan ti indikasyon a mabalin a maluguban ti nasao a detention facility gaputa dagiti metlaeng daduma pay a kameng iti Office of the Vice President iti adda iti ruar daytoy.
Nupay kasta,naipetteng a nasaysayaat nu makidar-ay daytoy iti panagdenggeg tapno maipampaminsan a maipalawag dagiti banag a kasapulanna a sungbatan seknan iti panakaaramat iti confidential funds.
Immuna metten a naipakaammo a saan a nakipaset ni Atty. Lopez iti panagdenggeg idi kalman, banag a babbabalawin dagiti sumagmamano a miembro iti komite.
Iti sabali a bangir, immatendar met ni Philippine Vice President Sara Duterte nu sadino, impeksana ti saanna a panangkanunong iti nagbalin a pangngeddeng ti House Committee on Good Government and Public Accountability seknan iti panakailaylayon iti detention ti chief of staff daytoy.//Bombo Rob Dominguez
