Kinumpirmar ti Department of Foreign Affairds (DFA) nga awan ti anyaman a Pilipino a nairaman iti maysa a sword attack iti maysa a Swedish school a nangitunda iti ipupusay ti maysa a teenager ken pannakadangran iti tallo nga indibidual.
Sigun iti nasao nga ahensya, immawag ti embahada ti Pilipinas iti nasao a pagilian kadagiti Filipino community leaders nu adda dagiti Pilipino a nairaman. Kinumpirmar met dagitoy nga awan ti Pilipino a nadangran gapu iti nasao nga insidente.
Maipalagip nga idi napalabas a lawas, inmatake ti maysa a sigud nga estudyante idiay Brinell High School aramat ti ‘bolo’. Napilitan met dagiti otoridad a paltugan ken arestaren ti nasao a suspek.
Napasamak ti insedente iti panaglukat ti klase iti nasao a pagadalan. Nangitunda daytoy iti ipupusay ti 17-anyos a babae ken pannakadunot ti tallo a lallaki nga estudyante.