Agtultuloy ti panangpapigsa ti Baguio City government kadagiti digital systems ken institutional reforms a nairanta para iti government services tapno agbalin daytoy nga accessible, transparent, accountable, ken responsive iti publiko.
Impetteng ni Baguio City Mayor Benjamin B. Magalong a ti Baguio In My Pocket Plus ket adadda a mangipaay kadagiti serbisyo iti siudad ken impormasyon babaen iti maysa a digital platform.
Innayonna pay nga agtultuloy a mangaramid ti siudad kadagiti sistema tapno mangipaay iti napapartak ken accessible a transaksyon iti City Hall.
Intampok pay ni Mayor Magalong ti pannakaaramat kadagiti digital systems tapno mapapigsa ti transparency ken accountability.
Babaen ti PRISM, mabalinen a kitaen ti publiko dagiti proyekto ti imprastruktura a pinondoan ti siudad, agraman dagiti badyet ken panagrang-ay manipud iti panagplano agingga iti panagleppas dagiti nasao a proyekto.
Mabalin met nga ireport dagiti residente dagiti pakaseknanda ken direkta nga i-upload dagiti ladawan babaen ti nasao a platform, a mangpalubos kadakuada a makipaset iti panangmonitor iti pannakaipatungpal dagiti proyekto.
Kinuna pay ni Mayor Magalong a ti naballigi nga audit ket mangipakita nga agtultuloy ti siudad iti panangragpat ti international standards bayat a mapagtalinaed a nadisiplina ti lokal a gobierno iti panangrepaso ken panangpasayaat iti wagas ti panagtrabahoda.|via Bombo Khey Reparip
