Opisialen nga inyuswat ti Philippine Statistics Authority (PSA) ita nga aldaw ti Digital National ID, a mangakseptar kas maysa a balido nga ID wenno Identification a mang-access babaen ti cellphone nga addaan ti internet connection.
Iti sidong ti programa, amin a nagrehistro ti national ID system ket mabalin a ma-access ken makita ti Digital National ID babaen ti opisial a website dagitoy babaen ti mobile application.
Kasapulan laeng nga ipaay ti “demographic information” ken “facial verification” ti maysa nga indibidual.
Iti agdama, nasurok 87 milyon a Pilipino ti nagparehistro ti National ID.
Maipalagip a pinirmaan ni sigud a President Rodrigo Duterte Philippine Identification System (PhilSys) Act tapno adda ti single national identification system ti Pilipinas.
