Idagdagadag ita ni Department of the Interior and Local Government (DILG) Secretary Jonvic Remulla kadagiti mammanday-linteg a papigsaenda ti linteg kontra iti illegal possession iti paltog.
Sigun kenni Remulla, rumbeng laeng a mapatawan iti pannusa dagiti saan a naannad iti panangisecure iti armas da.
Kasaruno daytoy iti agsasaruno a kaso ti pammaltog iti uneg ti pagadalan iti pagilian.
Inrekomendar metlaeng daytoy iti nadagdagsen pay a pannusa kadagiti government officials wenno kadagiti adda iti serbisyo.
Impetteng daytoy a kasapulanen nga irevise ti Robin Padilla Law no sadino rumbeng a nadagdagsen pay ti pannusa para iti loose firearm.
Immunan a binabalaw ni Remulla ti baro nga insedente iti school shooting a napasamak idiay Zamboanga a nangintunda iti ipupusay dagiti estudyante pakairamanan ti suspek a maysa nga honor student iti nasao a pagadalan. //𝓀𝒸𝓈//