Mannarimaan ita ti panang-track ti Department of the Interior and Local Government (DILG) kadagiti personalidad a nadakamat kas maatap a co-perpetrators ni sigud a president Rodrigo Duterte iti sangsangwenna a crimes against humanity iti International Criminal Court.
Sigun kenni Interior Secretary Jonvic Remulla, numan pay saanda paylaeng a makagaraw gapu ta awan ti naipaulog a warrant of arrest, impakaammona a mannarimaan ita ti tracing kadagiti nadakamat nga indibidwal.
Impakaammo na pay a mannarimaan ita ti panangberipikar kadagiti rekords tapno maamwan nu adda pay laeng dagitoy iti uneg ti pagilian.
Inlawlawagna a kabayatan nga awan pay laeng ti warrant of arrest manipud iti International Criminal Court, awan ti basaran ti lokal a gobyerno a mangipatungpal iti enforcement action.
Nupay kasta, dinakamat ni Interior Secretary Remulla nga agsagsaganadan tapno ipatungpalda a dagos nu adan ti pormal nga instruction. //BomboKCS
