Impeksa ni House Committee on Public Order and Safety ken Manila 2nd District Rep. Rolan Valeriano nga awanan basaran ti innibatan nga statement ni Navotas Representative Toby Tiangco 1 million percent a saan a maareglo ni Vice President Sara Duterte seknan iti panangimbestigar iti naanomalyaan a flood control projects iti pagilian isu’t gapunna a kayat dagiti dadduma mammanday-linteg nga ipa-impeach daytoy
Patien ni Valeriano a ti nagbalin a desisyon dagiti kaduana a mammanday-linteg bayat iti impeachment process ket maibasar iti ammoda seknan iti nasao a reklamo ken saan a gapu iti anyaman a korapsyon a posible a pakainaigan dagitoy.
Immuna metteng nga impakaammo ni Bicol Saro Representative Terry Ridon a dagiti immanamong a sufficient in form, substance, and grounds ti impeachment complaints kontra ti bise president ket awan pakainaiganda ti korapsyon ti naanomalyaan a flood control projects iti pagilian. //bombokcs