Insingasing ni Atty. Lauro Gacaya, Legal Luminary ken Constitutional Law Expert iti Baguio City, a masapul nga itultuloy ti Pilipinas ti diplomatic process iti panangsango dagiti ar-aramiden ti China idiay West Philippine Sea.
Iti pannakiuman ti Bombo Radyo kenkuana, kinuna ni Gacayan a masapul nga usaren ti Pilipinas dagiti diplomatic channels ken no kasapulan ket ipalagip ti 2016 Arbitral Award a desision a pabor iti pagilian no sadino naipakita nga awan ti legal a batayan ti “nine-dash line” iti China ken pinapigsa ti karbengan iti pagilian iti Exclusive Economic Zone.
“Dapat tuloy-tuloy using diplomatic channel or going again to the United Nations Arbitral Tribunal to enforce its decision,” sigun pay kenkuana.
Insingasingna met a saan a praktikal iti agdama a sitwasion ti panagusar ti pwersa ti Pilipinas kontra iti China, gapu ta nalawlawa ti kapasidad ti Chinese Armed Forces ken Navy.
Kabayatanna, iti pannakikaykaysa ti Pilipinas kadagiti sabali a nasion, kinuna ni Gacayan a masapul ti nasaysayaat a relasyon iti United States gapu iti Mutual Defense Treaty dagiti dua a pagilian.
Kinunana a no dumteng iti gundaway a saanen a maliklikan ti armed conflict, mabalin a dumawat ti Pilipinas iti tulong ti US babaen iti Mutual Defense Treaty.
“We really need the help of the Americans, whether we like it or not,… because we are not on the position to fight the Chinese, but when a worst comes to worst, since we have a mutual defense treaty with the US, we have to ask for thier help” innayon iti abogado. // Bombo Khey Reparip
