Isaksakad ita ni Representative Benny Abante ti disiplina ken panangtungpal kadagiti pagalagadan iti Kamara de Represantantes.
Daytoy ket kasaruno ti panangsuportana iti posible a panangpaikkat kenni Cavite 4th District Representative Kiko Barzaga.
Sigun ken ni Abante, saanen nga epektibo ti panangsuspindir kas panusa kenni Barzaga gapu ta patienna a saan daytoy nga agsardeng iti aramid ken pannaritana.
Kinunana pay nga adda ti nalawag a pagalagadan ti Kamara a kasapulan a tungpalen dagiti amin a miembro daytoy tapno mapagtalinaed ti kinaurnos ken ti integridad ti institusion.
Impalawag ni Abante a nupay bigbigbigenda ti liderato ti Kamara iti karbengan ni Barzaga seknan iti freedom of speech, adda met latta dagiti responsibilidad ken limitasyon. // Bombo Karen Calpoe Sapirao
