BAGUIO CITY- Agtultuloy ti panakaipatungpal ti DISKWENTO CARAVAN kadagiti babarangay ditoy siudad ti Baguio agingga inton Disyembre.
Sigun kennni DTI– Baguio-Benguet Provincial Director Atty. Samuel Gallardo, nakipatangdan iti pribado sektor para iti panagturong dagitoy kadagiti barangay tapo agilako kadagiti kangrunaan a gagatangen iti publiko.
Maipalagip nga addang daytoy ti ahensia ken dagiti maseknan a sektor tapno saanen a maobliga ti publiko nga agturong iti merkado ken tapno malapdan ti posible pay a panagwaras ti virus ken ti napegpeggad a variant daytoy.
Innayon ni Gallardo a makikoordinarda iti dadduma pay a negosyante para iti posibilidad a mainayon iti Diskwento Caravan dagiti prutas, nateng ken karne.
Maipalagip a daytoy ti maika-11 a tawen ti panakaipatungpal iti DISKWENTO CARAVAN iti siudad ti Baguio a mangididiaya iti agingga 50 a porsiento a diskwento kadagiti gagatangenm para kadagiti naapektaran iti pandemya.
Sagudayenna metlaeng ti mangital-o kadagiti lokal a produkto ti siudad babaen iti entrepreneurship.
