Impetteng ti Department of Migrant Workers (DMW) a makikoordinarda iti Department of Justice (DOJ) tapno mabigbig ken mapilaan iti kaskenan a kaso dagiti recruiters dagiti dinosdosena a Pilipno a karaman kadagiti walo gasut nga indibidual a naarestar sadiay Laos gapu iti panagtraboda iti maysa a cyber scam network.
Inkonsidera ni Department of Migrant Workers dagiti Pilipino a naarestar sadiay Laos ket biktima ti iligal a recruitment ken human trafficking.
Kinuna ni Migrant Workers Secretary Hans Cacdac a nu sumangpet dagiti Pilipino iti pagilian ket alaenda ti statements dagitoy tapno maamoan nu siasinu-sinu dagiti nagrecruit kadagitoy tapno mapilaanda iti kaso.
Sisasagana met ti Department of Migrant Workers-Overseas Workers Welfare Administration a tumulong kadagiti nasao a Pilipino.
Iti agdama, manarimaan ti koordinasyon ti embahada ti pagilian kadagiti otoridad sadiay Laos.
Narepatriate metten dagiti pito a Pilipino bayat a pending ti repatriation dagiti walo pulo ket lima a Pilipino.
Kabayatanna, nagpalagip ni Cacdac a nasken a kitaen ti publiko dagiti agency dagitoy nu lisensyado nu panggepda ti agturong iti ballasiw taaw.
